NIeuwsberIchten

DE ROMMELMARKT IN EEN GEDICHT

Onze tweejaarlijkse rommelmarkt is altijd een groot evenement in Kessel-Eik en omstreken. Piet Relouw uit Kessel schreef er een gedicht over.

Rômmel(mert)

De rômmelmert van Jong Nederlandj,
’t is bienao weer zo wiëd,
zee haole daoveur spulle op,
men kên van alles dao-aan kwiët,
zee kome rôndj van deur toet deur,
doe hoofs der zelf neet mêt te sleure,
die haope op hör rômmelmert dao,
ein aardig centje veur te beure.

Op de zolder steit eine rete praos,
dao haet oos oma nog in gezaete,
dae is mier as 120 jaor,
ich waas hem bienao al vergaete,
noew geit der nao de rômmelmert,
det antieke stökske nostalgie,
dae haet drie generaties euverlaeft,
mer zuut nog oët wie niej.

Dao steit auch nog eine trappepos,
riëk bewêrkt, fraai oetgestaoke,
dae kumt van ein sjiek hierehoës,
det waerde aafgebraoke,
’t zunj en jaomer det zo’n sjoën kunswerk,
de waereld waert ônthaoje,
ich weit zeker det dao op de rômmelmert,
flink geld veur waert gebaoje.
Den is der nog dae kerseluchter,
mêt nege erm en gans van hout,
oejt brandje dao witte kerse op,
det ging behuurlijk fout,
de kersewas ging flink aan ’t branje,
en dröpte op ’t taofellake,
de brandjwaer kwaam der aan te pas,
ôm ’t zaakje oët te make.

Ja, den zôndig op de rômmelmert,
ich gaon dao zeker kiëke,
of veur det aoje spul intresse is,
det zal dao môtte bliëke.
Aeve good bön ich noew blie,
det ich van die spulle bön verlos,
Ich goof ze veur det goeje doel,
en ’t haet nemus get gekos.

Piet Relouw

 

 


© 2017-2024 Jong Nederland Kessel-Eik. Alle rechten voorbehouden.

Deze website is gemaakt door Chrétien van der Linden.